पेट्रोलियम
![](http://chped.net/https/upload.wikimedia.org/wikipedia/commons/thumb/c/ce/Oil_well.jpg/200px-Oil_well.jpg)
![](http://chped.net/https/upload.wikimedia.org/wikipedia/commons/thumb/9/9b/Photo_lg_kuwait.jpg/200px-Photo_lg_kuwait.jpg)
पेट्रोलियम (अंग्रेजी: Petroleum; शाब्दिक अरथ: माटी के भा चट्टान के तेल) धरती के अंदर, चट्टान सभ के बीच में पावल जाए वाला तरल पदार्थ हवे जेकरा के शोध के पेट्रोल, डीजल, माटी के तेल (किरासन तेल) नियर ईंधन आ अउरी कई तरह के उपयोगी चीज बनावल जाला। एकरा शोधे से बने वाला चीज में मुख्य आइटम जरावे जोग ईंधने होला आ बाकी चीज गौड़ रूप से बने ला।
प्राचीन काल के बनस्पति आ अन्य जीवी पादर्थ सभ के परतदार चट्टान के बिचा में दबा जाए आ बहुत समय बाद एह पदार्थ सभ में से हाइड्रोकार्बन के तरल हो के चट्टान सभ के परत के बीच में एकट्ठा हो जाए से पेट्रोलियम बने ला। प्राकृतिक रूप से पावल जाए वाला एह रूप के कच्चा तेल (अंग्रेजी में क्रूड आयल) कहल जाला; एकरे अलावा एह कच्चा तेल से शोधे के बाद बने वाला पदार्थ सभ के भी पेट्रोलियम भा पेट्रोलियम प्रोडक्ट कहल जाला।
वर्तमान में ई आर्थिक कामकाज खाती एगो बहुते महत्व के संसाधन बा। हालाँकि, एह तरह के जीवाश्म ईंधन (फॉसिल फ्यूल) के कारण वायुमंडल में बढ़ रहल कार्बनडाईआक्साइड के कारण एकरे इस्तेमाल पर नियंत्रण के उपाय कइल जा रहल बाटे।
![]() | ई लेख ऊर्जा या एकरी, भंडारण या इस्तेमाल की बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |